කොළඹ ආර්. ප්රේමදාස පිටිය අද ගිනි ගනීවිද?
ශ්රී ලංකා ක්රිකට් ප්රේක්ෂකයින්ගේ හදගැස්ම වැඩි කරමින් 2026 T20 ලෝක කුසලානයේ Super 8 වටයේ තීරණාත්මකම තරගය අද රාත්රියේ පැවැත්වෙනවා. ප්රතිවාදීන් වෙන්නේ ප්රබල නවසීලන්ත කණ්ඩායමයි.
නමුත් ලංකාවට මේක තවත් එක තරගයක් නෙවෙයි; මේක “ජීවිතය හෝ මරණය” වැනි සටනක්!
එංගලන්ත කම්පනයෙන් පස්සේ සිංහයෝ නැගිටියිද?
පසුගිය තරගයේදී එංගලන්තයට එරෙහිව ලකුණු 95කට දැවී යාම ලාංකීය ප්රේක්ෂකයින්ට දරාගත නොහැකි පහරක් වුණා. පිතිකරුවන් එකා පිට එකා දැවී යද්දී, කණ්ඩායමේ මානසිකත්වය බිඳ වැටී ඇති බවට සමාජ මාධ්ය පුරා විවේචන එල්ල වෙනවා.
“අපි වැටුණු තැනින් නැගිටින ජාතියක්!” – අද ක්රීඩකයින්ට තමන් කවුද කියලා ලෝකයටම ඔප්පු කරන්න තියෙන අවසාන අවස්ථාව මෙයයි.
ප්රේමදාස පිටිය “දඟ පන්දුවේ පාරාදීසයක්” වෙයිද?
අද තරගය පැවැත්වෙන්නේ කොළඹ ආර්. ප්රේමදාස ක්රීඩාංගණයේදීයි. නවසීලන්ත පිතිකරුවන්ට ලංකාවේ දඟපන්දු යවන්නන් හමුවේ මීට පෙර දැඩි අපහසුතාවලට මුහුණ දීමට සිදු වුණා.
අද ශ්රී ලංකාවේ ප්රධානතම තුරුම්පු දෙක වන්නේ:
- දුනිත් වෙල්ලාලගේ: ඕනෑම ප්රබල පිතිකරුවෙකු දණගැස්වීමට සමත් ඔහුගේ දඟපන්දුව.
- මහීෂ් තීක්ෂණ: පවර් ප්ලේ (Powerplay) එකේදී නවසීලන්ත ආරම්භක පිතිකරුවන් මෙල්ල කිරීමේ වගකීම ඔහු සතුයි.
ඔවුන් මෙය අකුරට ඉටුකරාවියැයි අපි බලාපොරොත්තු තබාගමු.
අද පිලේ වෙනස්කම් මොනවාද?
පිතිකරණ අංශයේ දුර්වලතා මඟහරවා ගැනීමට අද කණ්ඩායමේ වෙනස්කම් කිහිපයක් සිදු වීමට බොහෝ දුරට ඉඩ තිබෙනවා. මැදපෙළ ශක්තිමත් කිරීමට අත්දැකීම් බහුල ක්රීඩකයෙකුට වැඩි ඉඩක් ලැබෙනු ඇතැයි වාර්තා වෙනවා.
වනිඳුගේ ආබාධය: ඇත්තම තත්ත්වය මොකක්ද?
කණ්ඩායම් අභ්යන්තර ආරංචි මාර්ග අනුව වනිඳු හසරංගගේ පාදයේ ආබාධය තවමත් සියයට සියයක් සුව වී නැහැ. අද ඔහු ක්රීඩා කළත්, එය “එක් පාදයකින් කරන සටනක්” වැනි අවදානම් සහගත තීරණයක් විය හැකියි.
වනිඳු නැති වුවහොත් පන්දු යැවීමේ සම්පූර්ණ බර මහීෂ් තීක්ෂණ සහ දුනිත් වෙල්ලාලගේ මත පැටවෙනවා. දඟපන්දු යවන්නන්ට උපකාරී වන ප්රේමදාස තණතීරුවේ “කැරකෙන පන්දුවෙන්” නවසීලන්ත පිතිකරුවන් හිර කිරීම හැර වෙනත් විකල්පයක් අද අපිට නැහැ.
පිතිකරණයේ වෙනස්කම් සිදු වේවිද?
පසුගිය තරගයේ මැදපෙළ අසාර්ථක වීම නිසා අද වෙනස්කම් සිදු වීමට ඉඩ ඇත.
- ජනිත් ලියනගේ හෝ චරිත් අසලංක:ඉනිම ස්ථාවර කරන්න ඔවුනගෙන් කවුරු හෝ අද මැදපෙළ වගකීම ලැබීමට බොහෝ දුරට ඉඩ තිබෙනවා.
- පැතුම් නිස්සංකගේ වගකීම: අද පැතුම් සහ කුසල් මෙන්ඩිස් පවර් ප්ලේ එකේදී ලකුණු 50 සීමාව ඉක්මවා නොගියහොත්, නවසීලන්ත වේගපන්දු යවන්නන් ඉදිරියේ අපේ මැදපෙළ නැවතත් කඩා වැටීමේ අවදානමක් පවතිනවා.
රසිකයන්ට කියන්න තියෙන්නේ…
තරගය පැරදුණොත් ලෝක කුසලාන සිහිනය අදින් අවසන්. ඒ නිසා අද මුළු රටම එක මිටට සිංහ ධජය යටතේ පෙළ ගැසෙමු!
ඔබේ අනාවැකිය කුමක්ද? අද ලංකාව දිනයිද? පහළින් Comment කරන්න! 👇
