මැදපෙරදිග කලාපයේ රටවල් කිහිපයක ගුවන් අවකාශයන් වසා දැමීම හේතුවෙන්, කටුනායක බණ්ඩාරනායක ජාත්යන්තර ගුවන් තොටුපොළේ සිට මැදපෙරදිග බලා පිටත්ව යාමට නියමිතව තිබූ සියලුම ගුවන් ගමන් අද (01) පස්වරු 05.00 දක්වා තාවකාලිකව අත්හිටුවීමට පියවර ගෙන ඇත.
කටුනායක ගුවන් තොටුපොළ කාර්ය භාර නිලධාරීවරයා සඳහන් කළේ අද උදෑසන 06.15 වන විට පහත පරිදි ගුවන් ගමන් වාර අවලංගු වී ඇති බවයි:
- පැමිණීමට නියමිතව තිබූ ගුවන් ගමන්: 18ක්
- පිටත්වීමට නියමිතව තිබූ ගුවන් ගමන්: 25ක්
මීට අමතරව, ඊයේ (28) දින මැදපෙරදිග බලා පිටත්ව ගිය ෆිට්ස් එයාර් (FitsAir) සහ එයාර් ඇරේබියා (Air Arabia) යන ගුවන් යානා දෙක ද ගමනාන්තය වෙත යාමට නොහැකිව යළි කටුනායක වෙත පැමිණ තිබේ.
මගීන් සඳහා වැදගත් උපදෙස්
පවතින තත්ත්වය සැලකිල්ලට ගනිමින් මැදපෙරදිග හෝ එම කලාපය හරහා වෙනත් රටවල් බලා ගමන් කිරීමට සැලසුම් කර සිටින මගීන් වෙත ගුවන් තොටුපොළ බලධාරීන් මෙම දැනුම්දීම් සිදු කරයි:
- කටුනායක ගුවන් තොටුපොළ වෙත පැමිණීමට පෙර තම ගුවන් සේවා නියෝජිතයා (Airline Agent) අමතා විස්තර විමසන්න.
- ගුවන් සමාගම් විසින් එවනු ලබන විද්යුත් තැපැල් (Email) සහ කෙටි පණිවිඩ (SMS) කෙරෙහි අවධානය යොමු කරන්න.
- නවතම තොරතුරු සඳහා www.airport.lk නිල වෙබ් අඩවිය පරිශීලනය කරන්න.
විදේශිකයන් සඳහා වීසා සහන
ගුවන් ගමන් අවලංගු වීම හේතුවෙන් ශ්රී ලංකාවෙන් බැහැරව යාමට නොහැකිව මෙරට රැඳී සිටින විදේශීය සංචාරකයින් වෙනුවෙන් දින 07ක වීසා සහන කාලයක් ලබා දීමට ආගමන විගමන පාලක ජනරාල්වරයා පියවර ගෙන ඇත.
අනෙකුත් ගුවන් ගමන් සාමාන්ය පරිදියි
මැදපෙරදිග කලාපයේ ගුවන් ගමන් අඩාල වුවද, පහත රටවල් සමඟ ක්රියාත්මක වන ගුවන් ගමන් සාමාන්ය පරිදි සිදු වන බව බලධාරීහු තහවුරු කරති:
