අමෙරිකා එක්සත් ජනපදයේ සියලු අරමුණු ඉටු කරගන්නා තෙක් ඉරානයට එල්ල කරන ප්රහාර අඛණ්ඩව ක්රියාත්මක කරන බව ජනාධිපති ඩොනල්ඩ් ට්රම්ප් ප්රකාශ කර සිටී.
මෙම යුදමය වාතාවරණය හමුවේ ඉදිරි කාලසීමාව තුළ අමෙරිකානු සන්නද්ධ බලකායන්ට තවදුරටත් ජීවිත හානි සිදු විය හැකි බවත්, එය යුද්ධයකදී බලාපොරොත්තු විය යුතු අවාසනාවන්ත තත්ත්වයක් බවත් ජනාධිපතිවරයා මෙහිදී සඳහන් කර ඇත.
නව නායකත්වය සමඟ සාකච්ඡා
ප්රහාර එල්ල කරන අතරතුරම, ඉරානයේ ඇති වී තිබෙන නව දේශපාලන තත්ත්වය හමුවේ එරට නව නායකයින් සමඟ සාකච්ඡා කිරීමට තමන් සූදානම් බව ජනාධිපති ට්රම්ප් පවසා තිබේ.එම සාකච්ඡා ඉතා කඩිනමින් ආරම්භ කළ යුතු බව ද අවධාරණය කළේය.
යුද පිටියේ වත්මන් තත්ත්වය
පසුගිය පැය කිහිපය තුළ ඉරානයේ ටෙහෙරාන් අගනුවර ඇතුළු ප්රධාන නගර කිහිපයකට අමෙරිකානු සහ ඊශ්රායල ඒකාබද්ධ ප්රහාර එල්ල වී ඇත. විදෙස් මාධ්ය වාර්තාවලට අනුව:
- අමෙරිකානු ප්රහාරවලින් ඉරාන නාවික හමුදාවට අයත් නැව් 9ක් මේ වන විට විනාශ වී තිබේ.
- ඉරානයේ නාවික මූලස්ථානයට ද දැඩි හානි සිදුව ඇති බව වාර්තා වේ.
- ප්රතිප්රහාරයක් ලෙස ඉරානය විසින් බ්රිතාන්ය සහ අමෙරිකානු තෙල් නැව් කිහිපයක් ඉලක්ක කර මිසයිල ප්රහාර එල්ල කර ඇත.
