අනුරාධපුරය:
පවතින දැඩි වර්ෂාපතනය හේතුවෙන් කලා වැවේ ජල මට්ටම ශීඝ්රයෙන් ඉහළ ගොස් ඇති අතර, මේ හේතුවෙන් වැවේ හදිසි වාන් දොරටු දෙකක් විවෘත කිරීමට වාරිමාර්ග නිලධාරීන් පියවර ගෙන ඇත.
වැව පෝෂණය වන ප්රදේශවලට ඇද හැලෙන අධික වැසි තත්ත්වය සැලකිල්ලට ගනිමින් ජල පාලනයක් සිදු කිරීම සඳහා මෙලෙස වාන් දොරටු විවෘත කළ බව වාර්තා වේ. මේ හේතුවෙන් කලා ඔය දෙපස පහත් බිම්වල වසන ජනතාවට දැඩි අවධානයෙන් පසුවන ලෙසත්, ජල මට්ටම ඉහළ යාම පිළිබඳව සැලකිලිමත් වන ලෙසත් බලධාරීන් දැනුම් දී සිටී.
වර්ෂාව තවදුරටත් පැවතුණහොත් අනෙකුත් වාන් දොරටු ද විවෘත කිරීමට සිදුවිය හැකි බව වාරිමාර්ග දෙපාර්තමේන්තුව වැඩිදුරටත් සඳහන් කරයි.
Visited 150 times, 1 visit(s) today
