කොළඹ (2026 මැයි 16): වනවාසල ප්රදේශයේදී අද (16) දින සිදු වූ දුම්රිය පීලි පැනීමේ මහා අනතුරකින් දුම්රිය මැදිරි පෙරළී දැඩි හානි සිදු වී තිබේ.
තුවාල ලැබූවන් රෝහල් ගත කෙරේ.
මෙම දරුණු අනතුර හේතුවෙන් තුවාල ලැබූ මගීන් 10 දෙනෙකු වහාම කොළඹ ජාතික රෝහල වෙත ඇතුළත් කිරීමට පියවර ගැනුණි. රෝහල් ආරංචි මාර්ග සහ දුම්රිය බලධාරීන්ට අනුව, ඉන් සුළු තුවාල ලබා සිටි පුද්ගලයන් 05 දෙනෙකු පමණක් මේ වන විට නේවාසිකව ප්රතිකාර ලැබීම සඳහා රෝහලට ඇතුළත් කර ගෙන ඇත.
සැකකටයුතු සිදුවීමක් ගැන පරීක්ෂණ
මේ අතර අනතුර සම්බන්ධයෙන් දැඩි ආන්දෝලනාත්මක තොරතුරක් ද වාර්තා වේ. දුම්රිය ගමනාගමන අධිකාරිය සඳහන් කරන්නේ, අනතුර සිදු වූ ස්ථානයේදී දුම්රිය මැදිරියක තිබූ Joint/Coupling කිසියම් පිරිසක් විසින් ගලවා ඉවත් කර ඇති බවයි.
මෙය අනතුර සිදුවීමට හේතුවක්ද නැතහොත් අනතුරින් පසුව සිදු වූවක්ද යන්න තහවුරු කර ගැනීම සඳහා සහ මෙම ක්රියාව සිදු කළ පුද්ගලයන් සොයා ගැනීම සඳහා දුම්රිය බලධාරීන් විසින් මේ වන විට පොලිසියට නිල පැමිණිල්ලක් ඉදිරිපත් කර තිබේ. ඒ අනුව පොලිසිය විසින් මේ පිළිබඳව පුළුල් පරීක්ෂණයක් ආරම්භ කර ඇත.
