මැදවච්චිය විවිධ සේවා සමූපකාර සමිතියේ සභිකයින් පත්කිරීම වෙනුවෙන් පැවැති තීරණාත්මක ඡන්ද විමසීමෙන් ජාතික ජන බලවේගය පරදවා සභික ධුර 66ක් දිනා ගනිමින් දැවැන්ත ජයග්රහණයක් අත්කර ගැනීමට සමගි ජන බලවේගය ප්රමුඛ ඒකාබද්ධ විපක්ෂය සමත්ව තිබේ.
අද (17) දින පුරා මැදවච්චිය ප්රාදේශීය ලේකම් බල ප්රදේශයේ ඡන්ද මධ්යස්ථාන 20කදී මෙම ඡන්ද විමසීම ඉතා උණුසුම් මුහුණුවරකින් පවත්වනු ලැබීය.
උණුසුම් සටනේ නිල ප්රතිඵලය මෙන්න:
සමස්තයක් ලෙස සභික ධුර 120ක් තෝරා ගැනීම වෙනුවෙන් මෙම මැතිවරණය සංවිධානය කර තිබූ අතර, එහි අවසන් ප්රතිඵලය සටහන් වූයේ මෙසේය:
- සමගි ජන බලවේගය ප්රමුඛ ඒකාබද්ධ විපක්ෂය: සභික ධුර 66
- ජාතික ජන බලවේගය (මාලිමාව): සභික ධුර 52
එක් මධ්යස්ථානයක ඡන්දය අත්හිටුවයි!
මේ අතර සභික ධුර දෙකක් තෝරා ගැනීමට නියමිතව තිබූ එක් ඡන්ද මධ්යස්ථානයක ඡන්ද විමසීම, අවශ්ය “ගණ පූර්ණය” (ඡන්දදායකයින්ගේ අවම සහභාගීත්වය) නොමැති වීම හේතුවෙන් අත්හැර දැමීමට බලධාරීන් පියවර ගෙන තිබේ.
දේශපාලන ක්ෂේත්රයේ දැඩි අවධානයක් යොමුව තිබූ මෙම සමූපකාර මැතිවරණයේ ජයග්රහණයත් සමඟ ඒකාබද්ධ විපක්ෂයේ ආධාරකරුවන් මැදවච්චිය පුරා සිය ජයග්රහණය සමරමින් සිටින බව අප වාර්තාකරු වැඩිදුරටත් සඳහන් කළේය.
