දිවයිනේ පවතින අයහපත් කාලගුණික තත්ත්වයත් සමඟ කෑගල්ල දිස්ත්රික්කයේ පඹේගම ප්රදේශයට මිලිමීටර් 336 ක අතිවිශාල වර්ෂාපතනයක් ඇද හැලී තිබේ.
පසුගිය පැය කිහිපය තිස්සේ ප්රදේශයට බලපෑ තද වැසි හේතුවෙන් මෙම තත්ත්වය වාර්තා වී ඇති අතර, මේ හේතුවෙන් කෑගල්ල දිස්ත්රික්කයේ පහත් බිම් රැසක් ජලයෙන් යටවීමේ අවදානමක්ද මතුව ඇත. පවතින අධික වර්ෂාව හේතුවෙන් කඳුකර සහ බෑවුම් සහිත ප්රදේශවල ජීවත්වන ජනතාව නායයෑම් සහ පස්කඳු කඩා වැටීම් පිළිබඳව දැඩි අවධානයෙන් පසුවිය යුතු බව කාලගුණ අංශ සහ සහන සේවා බලධාරීන් පවසති.
ඉදිරි පැය කිහිපය තුළදීත් දිවයිනේ ප්රදේශ කිහිපයකට වැසි හෝ ගිගුරුම් සහිත වැසි ඇතිවිය හැකි බැවින්, මහජනතාව අවධානයෙන් සහ සුරක්ෂිතව පසුවන ලෙස උපදෙස් දෙනු ලැබේ.
Visited 852 times, 1 visit(s) today
